نێچیرڤان بارزانی: گەشبینین بەوەی پارتی و یەكێتی بەمزووانە حكومەتی نوێ پێكبهێنن

 

ئاڤا نیوز

سەرۆكی هەرێمی كوردستان گەشبینە بەوەی پارتی و یەكێتی لەماوەیەكی نزیكدا كابینەی نوێی حكومەتی هەرێمی كوردستان پێكبهێنن.

وێنە گەورەكە: دوای سێ ڕۆژ بەشداریكردن لە كۆنفرانسی ئاسایشی میونشن، نێچیرڤان بارزانی، سەرۆكی هەرێمی كوردستان، كۆتایی بە سەردانەكەی بۆ ئەڵمانیا هێنا، لە كۆنفرانسێكی ڕۆژنامەوانیدا، تیشكی خستە سەر ناوەڕۆكی بەشداری و دیدار و كۆبوونەوەكانی لەگەڵ سەركردەی وڵاتان، هاوكات وەڵامی پرسیاری ڕۆژنامەنووسانی دایەوە.

لێدوانی فەرمی: سەرۆكی هەرێمی كوردستان، دەربارەی هه‌نگاوه‌كانى پێكهێنانی كابینەی دەیەمی حكومەت ڕایگەیاند: "شاندی هەردوو لایەنی پارتی و یەكێتی لە گفتوگۆیەكی جددیدان بۆ پێكهێنانی كابینەی دەیەمی حكوومەتی هەرێمی كوردستان، تائێستاش چەندین دیداری گرنگیان كردووە و گەشبینین كە لە ماوەیەكی نزیكدا بگەن بە ئەنجام."

زانیاریی زیاتر: نێچیرڤان بارزانی ئاماژەی بەوەشكرد، "هەموو دیدارەكان بۆ ئەوە بووە ئێمە چۆن دەتوانین پێكەوە كار بكەین كە هاوبەشی ڕاستەقینەی حكومەتین".

ئەوەی پێویستە بیزانیت: كۆبوونەوەكانی داهاتووی شاندی پارتی و یەكێتی بۆ ئەوەیە، پۆستەكان بە چ شێوەیەك دابنرێن و پێكهاتە و لایەنەكانی تر چۆن بەشداریی حكومەت بكەن.