عێراق 3200 خێزانی لە کەمپی هۆلی ڕۆژئاوای کوردستانەوە گەڕاندووەتەوە

ئاڤا نیوز

وەزارەتی کۆچ و کۆچبەرانی عێراق ڕایگەیاند، تائێستا 3200 خێزانی لە کەمپی هۆلی ڕۆژئاوای کوردستانەوە بۆ وڵات گەڕاندووەتەوە کە پێکهاتوون لە 12 هەزار و 500 کەس، نزیکەی 15 هەزاری عێراقیش لە کەمپەکەدا ماون.

چیرۆکی سەرەکی: کەمپی هۆل دەکەوێتە پارێزگای حەسەکە لە ڕۆژئاوای کوردستان و ئیدارەی خۆبەڕێوەبەری سووریا سەرپەرشتی کەمپەکە دەکات، بەگوێرەی هەردوو ئاماری ساڵی ڕابردووی ئیدارەی کەمپی هۆڵ و وەزارەتی کۆچ و کۆچبەرانی عێراق نزیکەی 43 هەزار چەکداری پێشوو و ژن و منداڵی ئەندامانی داعش لەو کەمپە کۆکراوەتەوە کە 15 هەزاریان عێراقین.

لێدوانی فەرمی: عەلی عەباس، وتەبێژی وەزارەتی کۆچ و کۆچبەرانی عێراق بۆ ئاژانسی هەواڵی فەرمی (واع) ڕایگەیاند:

٠ بەهۆی مەترسی دۆخی ئەمنیی و نائارامی سووریاوە، هەوڵەکانمان بۆ گەڕاندنەوەی خێزانە عێراقییەکان بەردەوامن. 

٠ تائێستا 12 هەزار و 500 ژن  ومنداڵی چەکدارانی داعش کە بەڕەگەز عێراقین بۆ وڵات گەڕێنراونەتەوە، لەو ژمارەیەش 9 هەزار کەسیان خراونەتە ناو بەرنامەی ڕاهێنانی دەرونی و کۆمەڵایتییەوە و تێکەڵ بە کۆمەڵگا دەکرێنەوە.

٠ 833 خێزانی عێراقی لە کەمپی هۆل ماون کە پێکهاتوون لە 15 هەزار کەس.

٠ هیچ منداڵێکی ناعێراقی بۆ وڵات نەگوازراوەتەوە و هەموو منداڵەکان پشکنینی DNAیان بۆ کراوە.