وەزارەتی شارەوانی ناوی سوودمەندبووانی وەرگرتنی زەوی بڵاودەكاتەوە

ئاڤا نیوز

 

ئاڤا لیستی ناوی ئەو فەرمانبەرانە بڵاودەكاتەوە كە سەر بە میلاکی وەزارەتی شارەوانی و گەشتوگوزارن و سوودمەندبوون لە وەرگرتنی زەوی كە ژمارەیان سەرووی حەوت هەزار و هەشسەد فەرمانبەرە.

 

چیرۆکی سەرەکی: ئەمڕۆ فەرمانی پێدانی زەوی بە زیاتر لە حەوت هەزار و 844 فەرمانبەری وەزارەتی شارەوانی و گەشتوگوزاری حكومەتی هەرێمی كوردستان دەرچوو كە لەلایەن ئەنجوومەنی شارەوانی ڕەزامەندی لەسەر دراوە و لە ئاییندەیەكی نزیكدا دەست دەكرێت بە ژمارەكردنی كارتی زەوی بۆ ئەو فەرمانبەرانە كە بەگوێرەی كارتی زانیاریی پارێزگا و ئیدارە سەربەخۆكان.

 

بەگوێرەی لیستی ناوی فەرمانبەرانی سوودمەندبوو لە وەرگرتنی زەوی لە پارێزگاكان و ئیدارە سەربەخۆكانی هەرێمی كوردستان بەمشێوەیە:

پارێزگای هەولێر : 1888 فەرمانبەر زەوی وەردەگرن.
پارێزگای سلێمانی: 2151 فەرمانبەر زەوی وەردەگرن.
پارێزگای دهۆك : 2677 فەرمانبەر زەوی وەردەگرن.
پارێزگای هەڵەبجە: 310 فەرمانبەر زەوی وەردەگرن.
ئیدارەی ڕاپەڕین: 628 فەرمانبەر زەوی وەردەگرن.
ئیدارەی گەرمیان: 138 فەرمانبەر زەوی وەردەگرن.
ئیدارەی سۆران: 36 فەرمانبەر زەوی وەردەگرن.
ئیدارەی زاخۆ: 16 فەرمانبەر زەوی وەردەگرن.

 

ئەوەی پێویستە بیزانیت: دوای بریاری ئەنجوومەنی وەزیران ژمارە (242) لە27-3-2024، سەرجەم وەزارەت و دەزگا نەبەستراوەكان بە وەزارەتەكان، نووسراوی گشتاندنیان بۆ سەرجەم بەڕێوەبەرایەتییە گشتییەكانیان سەر كردووە تایبەت بە دابەشكردنی زەوی بەسەر فەرمانبەران بەپێی ڕێنمایی ژمارە 2ـی ساڵی 2024، زانیاریی پێویست بە فەرمانبەران ڕەوانە بكەن.

- بە لەبەرچاوگرتنی ساڵانی خزمەت كە نابێت لە 8 ساڵ كەمتر بێت و باری خێزانی و ژمارەی منداڵ و سوودمەند نەبوونیان لە وەرگرتنی زەوی لە ساڵانی ڕابردوو، زەوی بەسەر فەرمانبەران دابەش دەکرێت.

 

زانیاریی زیاتر: خاڵی كۆكراوەی هەر فەرمانبەرێكی سوودمەندبووش لەنێوان سەرووی 60 خاڵ تاوەكو 12 خاڵ بووە بە لەبەرچاوگرتنی ئەو مەرجانەی كە لەلایەن ئەنجوومەنی وەزیرانی هەرێمی كوردستان دیاریكرابوو.

 

 

کلیک لەم بەستەرە بکە.