سوپای عێراق هەڵیکوتایە سەر جووتیارانی کورد لە سنووری کەرکووک

ئاڤا نیوز

 

ئەندامێکی ئەنجوومەنی نوێنەرانی عێراق لە بازنەی کەرکووک باس لەوە دەکات، "ئەوەی ئێستا بەرامبەر جووتیارانی کورد لە کەرکووک دەکرێت زوڵمە و بێ دەنگ نابین".

 

چی ڕوویدا: ئەمڕۆ 17-2-2025، لە گوندی شەناغەی سنووری پارێزگای کەرکووک، سوپای عێراق بۆ ڕێگریکردن لە کێڵاندنی زەوییە کشتووکاڵییەکان هەڵیکوتایە سەر جووتیارانی کورد، بەوهۆیەوە ئاڵۆزی دروست بوو.

 

لێدوانی فەرمی: نەجوە کاکەیی، ئەندامێکی ئەنجوومەنی نوێنەرانی عێراق لە بازنەی کەرکووک، بە ئاڤا میدیای ڕاگەیاند: ئەوەی ئێستا بەرامبەر جووتیارانی کورد دەکرێت، زوڵمە و هەوڵی جدیمان بۆ کۆتایهێنان بە هەڵکوتانە سەر جووتیاران داوە و بێ دەنگ نابین. 

 

-بەدواداچوون بۆ ئەم کێشەیە دەکەین، خۆمان بە نوێنەری خەڵکی کەرکووک دەزانین و پشتی جووتیاران بەرنادەین و دەست لەم بابەتە هەڵناگرین.

 

-لە ئاستی ئەم زوڵمەی بەرامبەر جووتیاران دەکرێت، ئێمە بێدەنگ نابین.

 

-جووتیارانی کورد مافی خۆیانە زەوییەکانیان بکێڵن، کەس بۆی نییە ڕێگرییان لێ بکات.