داوای دەرماڵەی پیشەیی بۆ مامۆستایانی پەروەردەی تایبەت دەکرێت

 

ئاڤا نیوز

وەزارەتی پەروەردەی عێراق داوای خەرجکردنی دەرماڵەی پیشەیی بۆ ئەو مامۆستایانە دەکات کە لە بواری پەروەردەی تایبەت خزمەت دەکەن.

وێنە گەورەکە: دەرچووانی بەشی پەروەردەی تایبەت لە زانکۆکانی عێراق و هەرێمی کوردستان لەو ناوەندانە خزمەت دەکەن یاخود بۆ ئەو ناوەندانەی خوێندن تەرخان دەکرێن کە قوتابی خاوەن پێداویستی تایبەتیان هەیە، بۆ ئەوەی بتوانن مامەڵەکی تایبەت لەگەڵ ئەو خاوەن پێداویستیانە بکەن.

بڵاوکراوەی فەرمی: بە گوێرەی نووسراوێکی وەزارەتی پەروەردەی عێراق بە واژۆی حەسەن سەبری لامی، وەزیری پەروەردەی عێراق کە ئاراستەی ئەمینداریەتی گشتی ئەنجوومەنی وەزیرانی کردووە، داوا دەکات دەرماڵەی پیشەیی بۆ ئەو کەسانە خەرج بکرێت کە لە بواری پەروەردەی تایبەت خزمەت دەکەن.

- هەر بە گوێرەی نووسراوەکەی وەزارەتی پەروەردەی عێراق، ژمارەی ئەو کەسانەی لەسەر میلاکی وەزارەتەکەن و لەو بوارە کار دەکەن، برتییە لە چوار هەزار و 593 کەس لە بەغدا و سەرجەم پارێزگاکانی دیکەی عێراق جگە لە هەرێمی کوردستان.