سوودانی پێشنیازیی دامەزراندنی وەزارەتێکی نوێ دەکات

 

ئاڤا نیوز

سەرۆکوەزیرانی عێراق دەڵێت، بە ئامانجی گرنگیدانی زیاتر بە بەئەلیکترۆنیکردنی کاروبارەکان و بەهێزکردنی ئاسایشی ئەلیکترۆنیی، پێویستە لە سێ ساڵی داهاتوودا دەستەیەکی سەربەخۆ یان وەزارەتێکی تایبەت بە بەئەلیکترۆنیکردنی کاروبارەکان دروستبکرێت.

چیرۆکی سەرەکی: حکومەتی عێراق بۆ  بەئەلیکترۆنیکردنی کاروبارەکان لە هەموو فەرمانگەکان، ئەنجوومەنی باڵای بەئەلیکترۆنیکردنی کاروبارەکانی پێکهێناوە و جەخت دەکاتەوە کە ئەم هەنگاوە خزمەتگوزارییەکی ڕاستەوخۆ و کەم خەرجی ترە و هەنگاوەکانی ڕووبەڕووبوونەوەی گەندەڵیش بەهێزتر دەکات.

لێدوانی فەرمی: محەممەد شیاع سوودانی، سەرۆکوەزیرانی عێراق لە میانی کردنەوەی ناوەندی بەئەلیکترۆنیکردنی کاروبارەکان لە وەزارەتی خوێندنی باڵا و توێژینەوەی زانستی فیدڕاڵ، ئاماژەی بەوەکرد :

٠ بەم هەنگاوەی ئەمڕۆ هەموو کاروباری قوتابیان و لەگەڵ مامەڵەی فەرمانبەر و هاووڵاتیان بەئەلیکترۆنیکردنی دەکرێن و پرۆسەکە دەستپێدەکات.

٠ دەمانەوێت هاووڵاتیان بە کرداری هەست بە بەئەلیکترۆنیکردنی کاروبارەکان بکەن، چونکە بەریەککەوتنی هاووڵاتیی و فەرمانبەر سەرچاوەی خاوبوونەوەی کاروبارەکانە.