دادگای فیدراڵی سکاڵایەکی پەیوەست بە مووچەی خەڵکی کوردستان تاوتوێ دەکات

 

ئاڤا نیوز

دادگای فیدڕاڵی سکاڵایەکی سەرۆککۆماری عێراق تاوتوێ دەکات کە تایبەتە بە پابەندکردنی حکومەتی عێراق بە ناردنی مووچەی فەرمانبەرانی هەرێمی کوردستان بە بەردەوامی و لەکاتی خۆیدا.

چیرۆکی سەرەکی: بەگوێرەی کارنامەی دانیشتنەکانی دادگای باڵای فیدراڵی، ڕۆژی سێشەممە، سەبارەت بە سکاڵایەکی عەبدوللەتیف ڕەشید، سەرۆککۆماری عێراق کە دژی سەرۆکوەزیران محەممەد شیاع سوودانی و تەیف سامی، وەزیری دارایی و مەحموود مەشهەدانی سەرۆکی پەرلەمانی عێراق تۆماری کردووە کۆدەبێتەوە، تێیدا داوای کردووە فەرمانێکی سالاری بەپەلە دەربکرێت و وەزارەتی دارایی پابەند بکرێت بە خەرجکردنی مووچەی فەرمانبەرانی کوردستان بۆ هەموو مانگەکانی پێشوو و داهاتوو، بە شێوەیەكی بەردەوام بەبێ وەستان.

زانیاریی زیاتر: ڕۆژی 12ـی ئەم مانگە، دادگەی باڵای فیدراڵی سکاڵاکەی بەهۆکاری دادبینی بۆ 18ـی ئەم مانگە دواخست.