محەممەد حاجی مەحمود بۆ سوپای عێراق: شێری ماڵ و ڕێوی مەیدانی شەڕەکان

کوردستان
17 شوبات

شەیری بکە لە:

محەممەد حاجی مەحمود بۆ سوپای عێراق: شێری ماڵ و ڕێوی مەیدانی شەڕەکان

محەممەد حاجی مەحمود، سکرتێری حزبی سۆسیال دیموکراتی کوردستان

ئاڤا نیوز

محەممەد حاجی مەحمود، سکرتێری حزبی سۆسیال دیموکراتی کوردستان لە بارەی گرژی و ئاڵۆزییەکانی گوندی شەناغەی سەر بە پارێزگای کەرکووک دەڵێت "با نەیارانی کورد بزانن چیتر سوکایەتیکردن بە جووتیارانی کورد قبوڵناکرێت"

چیرۆکی سەرەکی: ئێوارەی ڕۆژی دووشەممە لە کاتێکدا جووتیارانی کورد لە ناوچەی سەرگەڕان سەرقاڵی کێڵانی زەوییەکانیان بوون، هێزێکی سوپای عێراق هێرشی کردە سەریان و گرژی و ئاڵۆزی درووست بوو.

بڵاوکراوەی فەرمی: سکرتێری حزبی سۆسیال دیموکراتی کوردستان لە پەڕەی تایبەتی خۆی لە تۆڕی کۆمەڵایەتی فەیسبووک لە ژێر ناوی "شێری ماڵ و ڕێوی مەیدانی شەڕەکان" پەیامێکی بڵاو کردەوە و تیێدا چەند خاڵێکی خستوەتەڕوو:

بەداخەوە دوای نیوەڕۆی 2025-02-17، هەندێک سەربازی سوپای عێراق، بەشێوەیەکی دڕندانەوە نامرۆڤانەو نابەرپرسانەو بێڕێزانە، پەلاماری جوتیارانی کوردی کەرکوکیان لەسەر موڵک و ماڵ و گۆڕی بابو باپیرانیان دا، وێڕای ئەوەی زۆر بەتوندی ئیدانەی ئەو هەڵوێستەیان دەکەین، وەک پارتی سۆسیال دیموکراتی کوردستان ئامادەی هەموو ئەگەرێک و پشتیوانییەکین، هاوکات ئەم چەند خاڵە دەخەینەڕوو:

٠ سوپای عێراقی مێژووی پڕ لەتاوانی دژی کورد، بەم هەڵوێستەیان سەلماندیان درێژەپێدەری هەمان ئەو سوپایەن، کەتاوانەکانی وێرانکردنی کوردستان و ئەنفال و کیمابارانیان ئەنجامداوەو تاوانی دژ بەکورد بووەتە پیشەیان.

٠ ئەم سوپایە هەمیشە سوپایەکی دۆڕاو و ترسنۆک و دیل و زەلیلی مەیدانی جەنگەکانی ئێران و کوەیت و ئەمریکا و ئیسرائیل بووە، کەچی هەمیشە قارەمانی دژی خەڵک و هاوڵاتیانی هەژاری کورد بووە.

٠ دەپرسین ئەم سوپا قارەمانەی عێراق بۆ ناچێت بەرگری لە غەززە و فەڵەستین بکات؟

٠ با نەیارانی کورد بزانن چیتر سوکایەتیکردن بە جووتیارانی کورد قبوڵناکرێت.