زێلێنسکی سەردانی تورکیا دەکات

ئاڤا نیوز

 

سەرۆکی ئۆکراینا لەسەر بانگهێشتی ڕەجەب تەیب ئەردۆغان، سەرۆککۆماری تورکیا، گەیشتە ئەنقەرە و چاوەڕوان دەکرێت لە کۆشکی کۆماری لەلایەن سەرۆککۆماری ئەو وڵاتەوە پێشوازی لێبکرێت. 

 

بۆچی گرنگە: ئەم سەردانەی سەرۆکی ئۆکراینا بۆ ڕۆژهەڵاتی ناوەڕاست لەکاتێکدایە کە ڕووسیا و ئەمریکا دەیانەوێت لێکنزیکبوونەوەیەک و ڕێكکەوتنێک بهێننە ئاراوە، تاوەکو کۆتایی بەشەربهێنن، بەڵام ئۆکرانیا هەوڵدەدات پشتیووانی پەیدا بکات لەلایەی ئەوروپا و هاوپەیمانانی. 

 

بابەتە ستراتیژییەکە: بڕیارە لە کۆبوونەوەی نێوان ئەو دوو وڵاتە باس لەو هەنگاوانە بکرێت کە دەبنەهۆی هێنانە کایەی هاوکاری و هەماهەنگی زیاتر لە نێوان تورکیا و ئۆکراینا، هاوکات باس لەو گۆڕانکارییانە دەکرێت کە لەناوچەکە هاتوونەتە ئاراوە. 

 

لەلایەکی دیکەوە: هاکان فیدان، وەزیری دەرەوەی تورکیا ئامادەیی وڵاتەکەی بۆ هەر جۆرە نێوندگیری و پشتیووانییەک نیشاندا بۆ گەیشتن بە ئاگربەست و ئاشتەوایی نێوان ئۆکراینا و ڕووسیا.