بەهۆی کەوتنەخوارەوەی فڕۆکەیەک لە کەنەدا 18 سەرنشین برینداربوون

ئاڤا نیوز

 

بەهۆی خراپی کەشوهەواوە فڕۆکەیەک لە فڕۆکەخانەی کەنەدا کۆنترۆڵ لەدەستدەدات و ژمارەیەک سەرنشین بریندار بوون.

 

چیرۆکی سەرەکی: فڕۆکەیەکی هێڵی ئاسمانی دەلتا لە فڕۆکەخانەی پیرسۆنی شاری تۆرینتۆی کەنەدا لەکاتی نیشتنەوەدا بەهۆی خراپی کەشوهەواوە تووشی پێکدادان دەبێت کە بەهۆیەوە 18 سەرنشین بریندار دەبن کە دوو لە بریندارەکان تەندروستی ناجێگیرە.

 

ڕاگەیێنراوی فەرمی: بەرپرسی ئاگرکوژێنەوەی فڕۆکەخانەی پیرسۆن ڕایگەیاند: بەهۆی بەفربارینێکی زۆرەوە فڕۆکەکە کۆنترۆڵی خۆی لەدەستداوە و دواتر تووشی پێکدادان بووە، بەهۆیەوە 18 سەرنشین لەکۆی 80 سەرنشین برینداربوون و تەندروستی دوو لەوانە ناجێگیرە. 

 

زانیاریی زیاتر: بەهۆی ئەم ڕووداوەوە فڕۆکەخانەی پیرسۆن بۆ ماوەی دوو کاتژمێر هەموو گەشتەکانی هاتن و ڕۆیشتنی ڕاگرت. 

 

باکگراوند: ئەم ڕووداوەی کەنەدا دوای زنجیرە ڕووداوێکی هاوشێوە دێت کە لەو وڵاتە و لە ئەمریکا تۆمار کراون، پشتریش فڕۆکەیەکی سەربازی لە واشنتن لەگەڵ فڕۆکەیەکی نەفەر هەڵگردا تووشی پێکدادان بوو و بەهۆیەوە 67 کەس گیانیان لەدەستدا، هاوکات هەر دوای ئەو ڕووداوە فڕۆکەیەکی فریاگوزاری پزیشکی لە شاری فیلادلفیا کەوتە خوارەوە و لانیکەم حەوت کەس گیانیان لەدەستدا.