دەم پارتی: ئۆجەلان نامەی بۆ قەندیل و ڕۆژئاوای کوردستان ناردووە

ئاڤا نیوز

 

بەگوێرەی قسەی ئەندامێکی دەم پارتی بێت، عەبدوڵڵا ئۆجەلان ڕێبەری پارتی کرێکارانی کوردستان 'پەکەکە' نامەیەکی بۆ قەندیل و ڕۆژئاوای کوردستان و ئەوروپاش ناردووە. 

 

بۆچی گرنگە: شاندی ئیمرالی لەسەردانی بۆلای سەرجەم لایەنەکان لە تورکیا و هەرێمی کوردستان بەردەوامە، چاوەڕوان دەکرێت ئۆجەلان پەیامێکی مێژووی بڵاوبکاتەوە کە کاریگەری ڕاستەوخۆی لەسەر پڕۆسەی ئاشتی هەبێت لە تورکیا. 

 

لێدوانی فەرمی: ئایشەگول دۆغان، گوتەبێژی دەم پارتی لە کۆنگرەیەکی ڕۆژنامەوانیدا گوتی: چەند ڕۆژێکە پرسیار لە بارەی نامەکەی ئۆجەلان دەکرێت، بەڵێ ئۆجەلان نامەی بۆ پەکەکە لە قەندیل ناردووە، بۆ یەپەگە، هەسەدە لە ڕۆژئاوای کوردستان و بۆ درێژکراوەکانی پەکەکە لە ئەوروپا ناردووە، بە پێویستمان زانی خەڵکی لەوە ئاگادار بکەینەوە. 

 

لەلایەکی دیکەوە:  ئاڤا زانیویەتی  کە شاندەکەی دەم پارتی بڕیار وایە ئەمرۆ لە سلێمانی لەگەڵ بافڵ تاڵەبانی، قوباد تاڵەبانی و شاناز ئیبراهیم ئەحمەد کۆببنەوە.