ئەڵڵاموراد ڕەشتیانی کۆچی دوایی کرد

ئاڤا نیوز

 

هونەرمەندی ڕۆژهەڵاتی کوردستان و شاری سنە، ئەڵڵاموڕاد ڕەشتیانی لە تەمەنی 75 ساڵیدا کۆچی دوایی کرد.

 

زانیاریی زیاتر: ئەڵاموڕاد ڕەشتیانی لە منداڵییەوە خولیای میوزیکی هەبووە و ئامێرەکانی دەف و دایرەی  ژەنیوە، ساڵی 2002  بۆ یەکەمجار بەشداری لە فیلمی (ئاوازەکانی نیشتمانی دایکم) کرد و سەرنجی بینەرانی بەلای خۆیدا ڕاکێشا. دواتر بەهۆی ڕۆڵ بینینە باشەکەی وای لە دەرهێنەری بەناوبانگی کورد بەهمەنی قوبادی کرد بۆ جاری دووەم و لە ساڵی 2006 بۆ فیلمی (نیوە مانگ) ڕۆڵی (کاکۆ)ی پێبداتەوە.

ئەمەش بزانە: فیلمی نیوە مانگ دەنگدانەوەی زۆری لای بینەران دروست کرد و وایکرد جارێکی دیکە بەهمەنی قوبادی داوا لە ڕەشتیانی بکات بەشداری فیلمێکی دیکە بکات.

ئەوەی پێویستە بیزانیت: ئەمڕۆ 18ی شوباتی 2025 لە شاری سنە، ئەڵڵاموڕاد ڕەشتیانی بەهۆی نەخۆشیی شێرپەنجەوە کۆچی دوایی کرد.