کێشەی خەڵك؛ ئاڤا بەدواداچوون بۆ کێشەی بازرگانان دەکات

ئاڤا نیوز

 

بەشێک لە بازرگانان گلەییان لە ڕێکارێکی نوێی ژووری بازرگانی هەولێر هەیە و دەڵێن، لەکاتی گۆڕینی ناسنامەی بازرگانان [چالاکی بواری بازرگانی] لەسەر پێناسەکەیان، داوای 50 هەزار ڕسومات دەکەن و ئاڤاش بەدواداچوون بۆ کێشەکەیان دەکات.

 

وێنە گەورەکە: لە ژووری بازرگانی هەولێر، بازرگانان بۆ نوێکردنەوەی پێناسی بازرگانی دەبێت 'نەشات' ناونیشانی بازرگانییەکەیان [ چالاکیی بواری بازرگانی]  بگۆڕن لەسەر پێناسەکە، چونکە نابێت بازرگانیی گشتیی بێت و دەبێت  بگۆڕدرێت و دیاری بکرێت کە بازرگانەکە چ بازرگانییەک دەکات، دوای ئەوەی نەشاتەکەیان گۆڕی، 50 هەزار ڕسوماتیان بۆ ئەوە لێ وەردەگیرێت.

 

لێدوای فەرمی: بەشێک لەو بازرگانانە قسەیان بۆ ئاڤا کردووە و دەڵێن، پێشووتر 105 هەزارمان بۆ دەرهێنانی پێناس و دیاریکردنی 'نەشات' لێوەرگیراوە، ئێستاش نەشاتمان پێدەگۆڕن و 50 هەزاری دیکەمان لێوەردەگیرێت.

بەدواداچوونی تایبەت: دوای بەدواداچوونی تایبەتی ئاڤا دەرکەوت، هەر بازرگانێک بەگوێرەی بازرگانییەکەی ڕسوماتی نوێکردنەوەی پێناسی لێ وەردەگیرێت، ئەو پارەیەی وەرگیراوە لەبەرامبەر نوێکردنەوەی هەویەکەیە 'پێناس' بۆ دووساڵ.

 

بۆچوونی لایەنی بەرامبەر: شڤان عەبدولرەحمان، ئەمینداری گشتیی یەكێتیی بازرگانی و پیشەسازی بە ئاڤای ڕاگەیاند، دەرگامان واڵایە، هەر بازرگانیک گرفتێکی لە ژووری بازرگانییەکان تەنانەت لە بەغداش هەیە، سەردانمان بکات و کێشەکەی بۆ چارەسەر دەکەین.