ڕۆژانە زیاتر لە 200 جیابوونەوە لە دادگاکانی عێراق تۆمار دەکرێن

 

ئاڤا نیوز

بەگوێرەی داتاکانی ئەنجوومەنی باڵای دادوەریی، تەنیا لە ماوەی مانگی یەکی ئەمساڵ نزیکەی 6 هەزار 500 حاڵەتی جیابوونەوە لە دادگاکانی عێراق تۆمار کراوە.

بڵاوکراوەی فەرمی: بەگوێرەی داتاکانی ئەنجوومەنی باڵای دادوەریی بۆ حاڵەتەکانی هاوسەرگیری و جیابوونەوە بۆ مانگی یەکی ئەمساڵ، 29 هەزار و 119 گرێبەستی هاوسەرگیری لە دادگاکان تۆمارکراوە، هاوکات هەر لەو ماوەیە 6 هەزار و 448 حاڵەتی جیابوونەوەش تۆمار کراوە.

ژمارەکان وادەڵێن: بەگوێرەی داتاکانی ئەنجوومەنی باڵای دادوەریی عێراق، بە تێکڕا ڕۆژانە 939 گرێبەستی هاوسەرگیری و 208 حاڵەتی جیابوونەوە لە 16 دادگای پارێزگاکانی عێراق جگە لە هەرێمی کوردستان تۆمارکراوە.

ئەوەی پێویستە بیزانیت: ساڵی 2024 بە درێژایی ساڵەکە لە عێراق زیاتر لە 320 هەزار گرێبەستی هاوسەرگیری تۆمارکربوو، لە بەرامبەردا هەر لەو ساڵە نزیکەی 73 هەزار حاڵەتی جیابوونەوە تۆمارکرابوو.