وەزارەتی ناوخۆ دەنگۆیەك سەبارەت بە ڕێوشوێنەكانی وەرگرتنی ڤیزە ڕەت دەكاتەوە

ئاڤا نیوز

وەزارەتی ناوخۆی حكومەتی هەرێمی كوردستان لە ڕوونكردنەوەیەكدا ئەو دەنگۆیانە ڕەت دەكاتەوە كە لە سۆشیال میدیا سەبارەت بە ڕێوشوێنەكانی وەرگرتنی ڤیزە بڵاو بوونەتەوە.

 

 

ڕاگەیێنراوی فەرمی: وەزارەتی ناوخۆ ڕایگەیاند:

٠ هەندێ دەنگۆ دەربارەی گۆڕانی رێوشوێنەکانی وەرگرتنی ڤیزە لە سۆشیال میدیا بڵاو بووەتەوە ئەو دەنگۆیانە دوورن لە راستی و هیچ بنەمایەکیان نییە.

٠ میوانان و گەشتیاران دەتوانن وەکو جاران لە رێگەی بەکارهێنانی پۆرتاڵی سەردان یان داواکاریی تایبەت داوای ڤیزەی کوردستان بکەن و هاووڵاتی وڵاتانی لیستی A وەکو جاران دەتوانن لە کاتی گەیشتن لە فرۆکەخانە و دەروازە نێودەوڵەتییەکان ڤیزە وەربگرن.

ئەوەی پێویستە بیزانیت: حکومەتی هەرێمی کوردستان پۆڕتاڵی تایبەت بە داواکردنی ڤیزەی ئەلیکترۆنی دروست كردووە  بۆ ئەوەی داواکارانی ڤیزە بتوانن ڕاستەوخۆ لە ڕێگە ی ئەو ماڵپەڕەوە داواکاری پێشکەش بکەن.

ئەمەش بزانە: ئەم هەنگاوەی حکومەتی هەرێمی كوردستانە هاوتەریبە لەگەڵ پلان و بەرنامەکانی حکومەت بۆ بە دیجیتاڵکردنی هەموو خزمەتگوزارییەکان.