ژمارەیەکی زۆر پەنابەر لە ئەمریکاوە گواسترانەوە بۆ دارستانێکی پەنەما

ئاڤا نیوز

نزیکەی 300 پەنابەر کە زۆربەیان خانەوادەن و هاووڵاتی 10 وڵاتی کیشوەری ئاسیان گواسترانەوە بۆ کەمپێک لە دارستانێکی پەنەما.

وێنە گەورەکە: یەکێک لە بەڵێنە سەرەکییەکانی ترەمپ لە کاتی بانگەشەی هەڵبژاردنەکاندا دیپۆرتکردنەوەی کۆچبەرانی نایاسایی بوو و هەروەها بەڵێنی ئەوەشی دا کە پرۆگرامی وەرگرتنی کۆچبەران لە سنوورەکان کۆتایی پێبهێنێت هاوکات لە چەند کاتژمێری ڕابردوودا نزیکەی 300 کۆچبەری لە وڵاتەکەی دەرکرد.

ڕاگەیێنراوی فەرمی: میدیاکانی ئەمریکا ڕایانگەیاند: نزیکەی 300 پەنابەر کە زۆرینەیان هاووڵاتی ئێرانن لە هۆتێلی نیشتەجێبوونیانەوە گواستراونەتەوە بۆ کەمپێک لە دارستانێکی پەنەما.

زانیاری زیاتر: ئەو پەنابەرە دەرکراوانە هاووڵاتییانی ئەم وڵاتانەن " ئێران، هیندستان، نیپاڵ، سریلانکا، پاکستان، ئەفغانستان و چین و چەند وڵاتێکی دیکە، بەڵام بەپێی میدیاکانی ئەمریکا ژمارە زۆرەکە بەر هاووڵاتییانی ئێران کەوتووە. هەروەها لەنێو ئەو پەنابەرانەدا ژن و منداڵی زۆر هەن.

یەکێک لە پەنابەرە دەرکراوەکان کە ئێرانییە ڕایگەیاند: ئەم شوێنە کە ناونراوە کەمپ هاوشێوەی باخچەی ئاژەڵانە لەو کاتەوەی گەیشتووینەتە ئێرە تەنیا پارچەیەک نانیان پێداوێن و لەسەر زەوی دانیشتووین.