عەبدوڵڵا حاجی مەحموود لە حیزبی سۆسیال دیموکرات دوورخرایەوە

ئاڤا نیوز

دوای گرژیی و ئاڵۆزییەکانی لەگەڵ سکرتێری گشتیی حیزبی سۆسیال دیموکراتی کوردستان، عەبدوڵڵا حاجی مەحموود دوورخرایەوە. 

 

ئەوەی پێویستە بیزانیت: لە کۆبوونەوەیەکدا بە سەرپەرشتی محەممەدی حاجی مەحموود، ئەندامانی ئەنجوومەنی سەرکردایەتی و بەشێک لە ئۆرگانەکانی حیزبی سۆسیال دیموکراتی کوردستان، بڕیاردرا عەبدوڵڵای حاجی مەحموود لە حزبی سۆسیال دیموکرات دووربخرێتەوە.

زانیاریی زیاتر: لە کۆبوونەوەکەدا تەوەرێکی سەرەکیی دوورخستنەوەی عەبدوڵڵای حاجی مەحموود بووە و بڕیاریش دراوە سەرجەم ئەو موڵک و ماڵە گواستراوە و نەگواستراوەی حیزب کە لەلایەتی لێی وەربگیرێتەوە.

 

لێدوانی فەرمی: د. فەرهاد تۆفیق ئەندامی مەکتەبی سیاسی و  گوتەبێژی پارتی سۆسیالیست دیموکراتی کوردستان بۆ ئاڤا نیوز گوتی، "وەک مەکتەبی سیاسی داوا دەکەین، سەرجەم ئەو پۆستانەی لە حکومەت پێیدراون، لێی وەربگیرێتەوە."

باکگراوند: کۆتایی مانگی یەکی ئەمساڵ، لە گوندی گوڵەخانە گرژی لەنێوان محەممەدی حاجی مەحموود سکرتێری حیزبی سۆسیال دیموکرات و عەبدوڵڵای حاجی مەحموود کە برایەتی دروستبوو، دواتر عەبدوڵای حاجی مەحموود ڕوویکردە هەولێر.