توندوتیژی خێزانیی لە عێراق هەڵدەکشێت

ئاڤا نیوز

ناوەندی ستراتیژی بۆ مافەکانی مرۆڤ ئامارێکی لەسەر بەرزبوونەوەی بارەکانی توندوتیژیی خێزانی بۆ ساڵی 2024  بڵاو کردووەتەوە، بە گوێرەی ئامارەکە توندوتیژیی دژی منداڵان بەشێوەیەکی بەرچاو بەراورد بەساڵانی ڕابردوو بەرزبووەتەوە.

وێنە گەورەکە: بەپێی ئاماری ناوەندی ستراتیژی بۆ مافەکانی مرۆڤ لە عێراق، نزیکەی 14 هەزار باری توندوتیژی خێزانی لە ساڵی 2024 ـدا تۆمارکراوە کە 6% ـی دژی منداڵان کراوە، زۆربەی بارەکانیش لەبەغدا ڕوویداوە.

لێدوانی فەرمی: سەلامە خەفاجی، ئەندامی پێشووی کۆمیسیۆنی مافەکانی مرۆڤ لەعێراق ڕایگەیاند: هەڵکشانی بارەکانی توندوتیژی خێزانی لە کۆمەڵگەی عێراق بەتایبەتی دژی منداڵان زیادی کردووە و بووەتە دیاردە و ساڵ لەدوای ساڵ لەزیادبوندایە، بۆیە پێویستی بەچارەسەر هەیە.

ئەمەش بزانە: هەرچەندە ڕەشنووسی یاسای بەرەنگاربوونەوەی توندوتیژیی خێزانی نزیکەی 14 ساڵە لەلایەن رێکخراوەکانی کۆمەڵگەی مەدەنییەوە لەعێراق نێردراوە بۆ پەرلەمانی عێراق، بەڵام تاوەکو ئێستا بە یاسا ڕێکنەخراوە.