دانوستانی ئەمریکا و ئۆکراینا سەبارەت بە سەرچاوە کانزاییەکان دەستپێدەکات

ئاڤا نیوز

دوای دروستبوونی ناکۆکیی لە نێوان ئەمریکا و ئۆکراینا سەبارەت بە پرسی وەستانی جەنگی ڕووسیا و ئۆکراینا و بەڕێوەچوونی کۆبوونەوەکانی نێوان ئەمریکا و ڕووسیا لە ڕیازی پایتەختی سعوودیە، ئەمریکا و ئۆکراینا دەست بە دانوستان دەکەنەوە.

ئەوەی پیویستە بیزانیت: بە گوێرەی سەرچاوەیەکی باڵای ئۆکراینی ڕۆژی هەینی، 21-2-2025، شاندێکی ئەمریکی لەگەڵ شاندێکی ئۆکراینی بۆ ڕێککەوتن لەسەر ڕادەستکردنی سەرچاوە کانزاییە دەگمەنەکانی ئۆکراینا بە ئەمریکا لە بەرامبەر پاراستنی ئەو وڵاتە کۆبوونەتەوە.

ئەمەش بزانە: ئۆکراینا پڕۆژەیەکی خۆی لەم بارەیەوە داوەتە لایەنی ئەمریکی و چاوەڕێی وەڵامی ئەمریکا دەکات. 

زانیاریی زیاتر: ئۆکراینا داوا لە ئەمریکا دەکات لە ڕووی سەربازیی و ئەمنییەوە بیپارێزێت، لە بەرامبەر ئەو پاراستنە ئەمریکا داوای کانزا دەگمەنەکانی زەوی لە ئۆکراینا دەکات کە ئەو وڵاتە لەو کانزایانە زۆر دەوڵەمەندە.