پێشبینی دەکرێت لە 48 کاتژمێری داهاتوو بەفربارین سەنتەری شارەکان بگرێتەوە

ئاڤا نیوز

 

شەپۆلی بەفر و باران لە سەرتاسەری هەرێمی کوردستان بەردەوامە و پێشبینی دەکرێت لە 48 کاتژمێری داهاتوودا بەفری زیاتر ببارێت و سەنتەری شارەکانیش بگرێتەوە.

 

وێنە گەورەکە: لە سەرتاسەری هەرێمی کوردستان شەپۆلی سەرما و بەفر و باران بەردەوامە، لە هەندێک ناوچە بەفرێکی زۆر باریوە و  و پلەکانی گەرما دابەزیون، ڕەنگە ئەم شەپۆلە تاوەکو ڕۆژی دووشەممە بەردەوام بێت.

 

لێدوانی فەرمی: شێخ دارا، شارەزای کەشناسی و پێشکەشکاری کەشوهەوای ئاڤا میدیا دەڵێت: چاوەڕوان دەكرێت بەرەبەیانی ڕۆژی یەكشەممە لە هەردوو سەنتەری شاری سلێمانی و دهۆك بەفر  ببارێت.

 

زانیاریی زیاتر: شیخ دارا پێشبینی دەکات، ئەمڕۆ لە سلێمانی بارانێکی باش ببارێت، ڕەنگە بەفر و باران پێکەوە ببارێت. بە گوتەی شێخ دارا سبەی یەکشەممەش ڕەنگە بەفر سەنتەری شاریش بگرێتەوە.

 

لەلایەکی دیکە: لەبارەی هەولێر و دهۆکیش، پێشکەشکاری کەشوهەوای ئاڤا پێشبینی دەکات بەفر سەنتەری شارەکانی هەولێر و دهۆکیش بگرێتەوە. هەرچی پەیوەستە بە شاری کەرکووکەوە، پێشبینی بارینی بەفر لەو شارەش دەکرێت.