محەممەد ئەلحەسسان: عێراق و ڕۆژهەڵاتی ناوەڕاست بە قۆناغێکی گرنگدا تێدەپەڕن

ئاڤا نیوز

نوێنەری سکرتێری گشتیی نەتەوەیەکگرتووەکان ڕایدەگەیێنێت، عێراق و ڕۆژهەڵاتی ناوەڕاست بە قۆناغێکی گرنگدا تێدەپەڕن و نەتەوە یەکگرتووەکانیش پاڵپشتی عێراق دەکات و بەردەوامیش دەبێت لە پشتیوانیکردنی.

 

چیرۆکی سەرەکی: بەسەرپەرشتی محەممەد شیاع سوودانی، سەرۆکوەزیرانی عێراق و بە بەشداری نێچیرڤان بارزانی، سەرۆکی هەرێمی کوردستان و محەممەد ئەلحەسسان، نوێنەری سکرتێری گشتیی نەتەوەیەکگرتووەکان و ژمارەیەک لە سەرکردە سیاسییەکانی عێراق، حەوتەمین خولی کۆنفرانسی دیالۆگی نێودەوڵەتی لە بەغدای پایتەخت بەڕێوەدەچێت.

 

لێدوانی فەرمی: لەمیانی کۆنفرانسەکە محەممەد ئەلحەسسان، نوێنەری سکرتێری گشتیی نەتەوەیەکگرتووەکان ڕایگەیاند: عێراق و ڕۆژهەڵاتی ناوەڕاست بە قۆناغێکی گرنگدا تێدەپەڕن، عێراق سوورە لەسەر بەردەوامبوون لە پشتیوانیکردنی ئاسایش و سەقامگیری.

 

- عێراق بە مێژووە دوورودرێژەکەیەوە پێویستی بە دیالۆگێکی بوونیادنەر هەیە کە لە ژێر یەک خاڵدا کۆببێتەوە، ئەویش بەرژەوەندیی عێراقە.

- محەممەد شیاع سوودانی، سەرۆکوەزیرانی عێراق دیدێکی ڕوونی هەیە بۆ پەرەپێدانی خزمەتگوزارییەکان و بەرزکردنەوەی ئاسایش و سەقامگیری.

- نەتەوە یەکگرتووەکان پاڵپشتی عێراق دەکات و بەردەوامیش دەبێت لە پشتیوانیکردنی.