وەزیری ناوخۆی ئێران گەیشتە بەغدا

ئاڤا نیوز 

 

وەزیری ناوخۆی ئێران لەسەر بانگهێشتنامەی وەزیری ناوخۆی عێراق گەیشتە بەغدای پایتەخت.

وێنە گەورەکە: ئەسکەندەر مۆمەنی، وەزیری ناوخۆی ئێران ئەمڕۆ لەسەر بانگهێشتی فەرمیی هاوتا عێراقییەکەی، عەبدولئەمیر کامێل ئەلشەمەری، بە سەردانێکی دوو ڕۆژە گەیشتە بەغدا و لەلایەن بریکاری وەزیری ناوخۆی عێراق و باڵیۆزی ئێرانەوە پێشوازی لێکرا.

 

ئەوەی پێویستە بیزانیت: لەسەردانەکەی وەزیری ناوخۆی ئێران بڕیارە پرسەکانی پەیوەندی دوو لایەنەی هەردوو وڵات، کێشە هەرێمییەکان، ڕووبەڕووبوونەوەی تیرۆر، قاچاغچێتی بە ماددە هۆشبەرەکان و کێشە سنوورەییەکانی هەردوو وڵات تاوتوێ بکات.

 

زانیاریی زیاتر: پێشتر وەزارەتی ناوخۆی ئێران ڕایگەیاندبوو، بڕیارە لەمیانەی سەردانەکەی وەزیری ناوخۆی ئێران بۆ عێراق، یاداشتێکی لێکتێگەیشتن لە نێوان هەردوو وڵات واژۆ بکرێت، سەبارەت به پێدانی مۆڵەتی شۆفێری و دانپێدانانی له نێوان هەردوو وڵاتدا.