داوا دەکرێت ڤیزای تورکیا بۆ گەشتیارانی کوردستان هەڵبگیرێت

ئاڤا نیوز

 

چاوەڕوان دەکرێت دوای هەڵبژاردنەکانی 31ـی ئاداری تورکیا، ئەردۆغان سەردانی عێراق بکات و یەکێک لە پرسە گرنگەکانیش، ئاسانکاری پرسی ڤیزا و پەرەپێدانی بواری بازرگانی نێوان هەردوو وڵات بێت.

 

لێدوانی فەرمی: محەممەد کایە، سەرۆکی ژووری بازرگانیی ئامەد بە ئاڤا نیوزی گوت، دەمانەوێت ئاسانکاری بۆ هاتووچۆی هاووڵاتیان لە هەولێرەوە بۆ شارەکانی تورکیا بکەین، بۆ ئەمەش داوامان لە حکومەتی تورکیا کردووە ڤیزا لەسەر هاووڵاتیانی هەرێمی کوردستان هەڵبگرێت.

 

باکگراوند: پێشتر عەبدولقادر ئیمام ئۆغلو، وەزیری گواستنەوە و گەیاندنی تورکیا ڕایگەیاندبوو، پلانیان هەیە لەم مانگەدا گەشتە ئاسمانییەکانی ئامەد - هەولێر دەستپێبکەنەوە کە لە سەردەمی سەرهەڵدانی کۆرۆناوە وەستاون.

 

زانیاریی زیاتر: لە سەردانەکەی ئەردۆغان بۆ عێراق، بڕیارە سەردانی هەرێمی کوردستان بکات و یەکێک لە ئامانجەکانیش، پەرەپێدانی ژوورە بازرگانییەکانی نێوان هەولێر و ئەنقەرە دەبێت.

 

ئەوەی پێویستە بیزانیت: بەهۆی پرسی کۆچبەرانەوە، ڕەنگە تورکیا نەتوانێت ڤیزا لەسەر هاووڵاتییانی هەرێمی کوردستان هەڵبگرێت، بەڵام دەتوانێت نرخی ڤیزا کەم بکاتەوە و ماوەی پێدانی ڤیزاش درێژ بکاتەوە.