سێنتکۆم: سەرکردەیەکی قاعیدەمان لە سووریا کوشت

ئاڤا نیوز

فەرماندەی ناوەندی ئەمریکا (سێنتکۆم) کوشتنی سەرکردەیەکی قاعیدەی لە باکووری ڕۆژئاوای سووریا ڕاگەیاند، دەشڵێن بەردەوام دەبن لە بە ئامانجگرتنی پاشماوەکانی گرووپە تیرۆرستییەکان.

ڕاگەیێنراوی فەرمی: فەرماندەی ناوەندی ئەمریکا ڕایگەیاند:

- لە ڕۆژی هەینی 21-02-2025، هێرشێکی موشەکیمان لە باکووری ڕۆژئاوای سووریا ئەنجامدا و بەهۆیەوە وەسین تەحسین، سەرکردەی ڕێکخراوی حوراسەددینی سەر بە قاعیدە کوژراوە.

- هێرشەکە بەشێک بووە لە پابەندییەکانی فەرماندەی ناوەندی ئەمریکا (سێنتکۆم) لەگەڵ هاوبەشەکانی بۆ ڕووبەڕووبوونەوەی تیرۆر لە ناوچەکە و نەهێشتنی توانای ئەو گرووپە چەکدارییانە.

باکگراوەند: مایکل ئێریک کوریلا، فەرماندەی فەرماندەیی ناوەندی ئەمریکا ڕایگەیاندبوو، ئەوان بەبێ وەستان بەدوای هەڕەشەی تیرۆرستانن لە ناوچەکەدا و لەناویان دەبەن، گرنگ نییە شوێنەکەیان کوێیە، لەپێناو پاراستنی نیشتمان و هاوپەیمانان و هاوبەشەکانیان ئەو کارەدەکەن.