ئەنجامی کۆتایی سەرژمێریی دانیشتووان ڕادەگەیێنرێت

ئاڤا نیوز

 

وەزارەتی پلاندانانی عێراق ئاشکرای دەکات، ڕۆژی دووشەممە ئەنجامی کۆتایی سەرژمێریی دانیشتووان لە سەرتاسەری عێراق ڕادەگەیێنێت.

 

وێنە گەورەکە: ڕۆژی دووشەممە، لە کۆنگرەیەکی ڕۆژنامەوانیدا وەزارەتی پلاندانانی عێراق ئەنجامی کۆتایی سەرژمێریی دانیشتووان ڕادەگەیێنێت، چەندین وەزیر، ئەندام پەرلەمان، نوێنەری ئەمینداری گشتیی نەتەوەیەکگرتووەکان، نوێنەری چەندین وڵات و ڕێکخراوە نێودەوڵەتییەکان بەشداریی لە کۆنگرەکەدا دەکەن.

ڕاگەیێنراوی فەرمی: وەزارەتی پلاندانانی عێراق لە بەیاننامەیەکدا ڕایگەیاند: محەممەد تەمیم، وەزیری پلاندنان کاتژمێر 09:30ی بەیانی لە ئۆتێلی بابل لە بەغدا  لە کۆنگرەیەکدا، ئەنجامی کۆتایی سەرژمێریی دانیشتووان ڕادەگەیێنێت.

 

ئەوەی پێویستە بیزانیت: لە 20-11-2024 پرۆسەی سەرژمێریی گشتیی دانیشتووان لە هەرێـمی کوردستان و عێراق بەڕیوەچوو.