بەریتانیا هۆشداریی لە بەکارهێانی دەرزی کێش دابەزاندن دەدات

ئاڤا نیوز

 

وڵاتی بەریتانیا هۆشداریی دەدات لە بەکارهێنانی دەرزی کێش دابەزاندن و لە وڵاتەکەیدا بۆ ماوەیەکی کاتی بەکارهێنانی قەدەغە دەکات، ئەمەش دوای ئەوەی چەند حاڵەتێکی مردن تۆمارکران. 

وێنە گەورەکە: دوای تۆمارکردنی زیاتر لە 80  حاڵەتی مردن بەهۆی دەرزییەکانی 'Mounjaro' و ' ozempic' لە بەریتانیا، ئەو وڵاتە هۆشداریی دەدات لە بەکارهێنانی ئەو دوو جۆرە دەرزیە کە بۆ چارەسەرکردنی شەکرەیە بەڵام ئێستا بۆ کێش دابەزاندن بەکاردەهێنرێت.

 

ڕاگەیێنراوی فەرمی: دەزگای ڕێکخستنی دەرمان و بەرهەمە تەندروستییەکان ڕایگەیاند:  تا کۆتایی مانگی یەک 82 حاڵەتی مردن بەهۆی بەکارهێنانی ئەو دوو دەرمانە لە بەریتانیا تۆمار کراوە، هاوکات ڕێکخراوی تەندروستی جیهانیی هۆشداری لە بەکارهێنانی دا و ڕایگەیاند، '' هیچ دەرمانێکی کێش دابەزاندن بەبێ ڕێنمایی پزیشک بەکار نەهێنن''.

کاریگەریی و لێکەوتەکان: لە ماوەی ڕابردوودا دەرزی دابەزاندنی کێش بە شێوەیەکی بەرفراوان لەلایەن خەڵکی لە سەرانسەریی جیهان بەکاردەهێنرێت، بەڵام چەندین کاریگەریی نەرێنی لەسەر تەندروستی مرۆڤ بەجێدەهێڵێت چونکە بۆ کۆنتڕۆڵکردنی ڕێژەی شەکرە بەکاردێت.

 

زانیاریی زیاتر: نزیکەی نیو ملیۆن کەس ئەم دەرمانانە لە بەریتانیا بەکاردەهێنن، و کاریگەریەکانی بریتیین لە سکچوون ، ڕشانەوە  و گرژبوون یان گیرانی ڕیخۆڵە.