پسووڵەی دابەشکردنی خۆراک بە ئەلیکترۆنی دەکرێت

ئاڤا نیوز

لە عێراق و هەرێمی کوردستان دۆسیەی بریکارەکانی خۆراک و پسووڵەی خۆراک بە ئەلیکترۆنی دەکرێت و ڕاییکردنی مامەڵەکان بەشێوەی کاغەزی نامێنێت.

ڕاگەیێنراوی فەرمی: بەڕێوەبەرایەتیی ڕێکخستنی پسوولەی خۆراكی هەولێر ئاگاداری گشت بریکارەکان دەکاتەوە لەوەی سەردانیان بکەن و دۆسیەی ئەلیکترۆنی بۆ بریکارەکان دروست بکەن.

لێدوانی فەرمی: سیامەند قادر نانەکەلی، بەڕێوەبەری بەڕێوبەرایەتیی ڕیکخستنی پسووڵەی خۆراکی هەولێر بە ئاڤا میدیای ڕاگەیاند:

- لە ماوەی دوو مانگی داهاتوودا دۆسیەی تەواوی بریکارەکان بە ئەلیکترۆنی دەکرێت، ئەم هەنگاوەش بۆ نەهێشتنی مامەڵە کاغەزییەکانە.

- لە سنووری هەولێر دوو هەزار و حەوت بریکاری تایبەت بە دابەشکردنی خۆراک هەیە.

- لە سنووری هەولێر هەزار و 176 بریکاری دابەشکردنی ئارد هەیە.

ئەوەی پێویستە بیزانیت: پێویستە بریکارەکان بۆ دروستکردنی دۆسیەی خۆیان، ئەو پێداویستییانەی خوارەوە لەگەڵ خۆیان ببەن:

-وێنە.

- کارتی نیشتمانی.

-کارتی زانیاری.

-پسوولەی خۆراک.

- ناسنامەی بریکارنامە.

-مێژووی پێدانی بریکارنامە.