جووتیارانی کورد لە سەرگەڕان دەست بە کێڵانی زەوییەکانیان دەکەنەوە؟

ئاڤا نیوز 

 

بڕیارە ئەمڕۆ سێشەممە 25-2-2025، جووتیارانی کورد لە گوندی شەناغەی سنووری کەرکووک دەست بە کێڵانی زەوییەکانیان بکەنەوە.

 

وێنە گەورەکە: ڕۆژی دووشەممە 2025-02-17، جووتیارانی گوندی شەناغە لە سنووری سەرگەڕان، خەریکی کێڵانی زەوییەکانیان بوون، بەڵام هێزێکی زۆری سوپای عێراق هەڵیکوتایە سەر جووتیاران و بە زەبری هێز کارەکانیان پێ ڕاگرتن، ئەمەش کاردانەوەی زۆری لێ کەوتەوە و جووتیاران مۆڵەتی هەفتەیەکیان بۆ چارەسەرکردنی کێشەکانیان بە لایەنە پەیوەندیدارەکاندا.

 

لێدوانی فەرمی: جووتیارانی کورد لەو سنوورە بە دیار محەممەد، پەیامنیری ئاڤا میدیایان ڕاگەیاندووە: بەڵێنی چارەسەرکردنی کێشەکانمان پێدراوە، چارەکەش بەمجۆرەیە کە ئەو زەویانەی کێشەیان لەسەر نییە دەست بە کێڵانی بکەین، ئەوەشی کێشەی لەسەرە بە هەڵواسراوی دەمێنێتەوە، واتە جووتیارانی کورد و عەرەبە هاوردەکان کاری کشتوکاڵی تێدا ناکەن.

 

زانیاریی بەدەستهاتوو: ئاڤا میدیا زانیویەتی کە ئەمڕۆ د. شاخەوان عەبدوڵڵا، جێگری سەرۆکی ئەنجوومەنی نوێنەرانی عێراق لەبارەی ئەم پرسەوە سەردانی سنوورەکە دەکات.