هەشت هەزار خانەنشین لە شەش ناوچەی کوردستان زەوی وەردەگرن

ئاڤا نیوز 

 

قۆناغی سێیەمی دابەشکردنی زەوی دەستپێدەکات و هەزاران خانەنشین کە پێشتر زەوییان وەرنەگرتووە لەم قۆناغەدا سوودمەند دەبن لە وەرگرتنی زەوی.

 

چیرۆکی سەرەکی: ئاڤا بەدواداچوونی کردووە و خانەنشینانی شەش ناوچەی هەرێمی کوردستان وردبینی و پێداچوونەوە بە فۆڕمەکانیان تەواو بووە، سبەی لە وەزارەتی شارەوانی و گەشتوگوزارەوە واژۆی لەسەر دەکرێت لەوێوە ئاراستەی ئەنجوومەنی وەزیران دەکرێت، دوای وەرگرتنی ڕەزامەندی خانەنشینان سوودمەند دەبن لە وەرگرتنی. 

 

لێدوانی فەرمی: سەربەست مەولوود، سەرپەرشتیاری تیمی وردبینی و ڕێکخستنی فۆڕمی دابەشکردنی زەوی له‌ وه‌زاره‌تی شاره‌وانی بە ئاڤای ڕاگەیاند، "نزیکەی هەشت هەزار فۆرم کە هی خانەنشینانە ئامادەن، سبەی وەزیری شارەوانی واژۆی دەکات و دوای تەواوکردنی ڕێکارەکان لە چەند ڕۆژێکدا دەگەڕێنرێتەوە شارەوانییەکانیان.".

زانیاریی زیاتر: ئەو خانەنشینانەی وردبینی ناوەکانیان تەواوبووە دانیشتووی ئەم سنوورانەن:-
بەڕێوەبەرایەتی خانەنشینی یەکی هەولێر، هەڵەبجە، سۆران، کۆیە، ڕاپەڕین و چەمچەماڵ.