لە ڕۆژهەڵاتی کوردستان منداڵان فێری نووسین و خوێندنەوەی زمانی کوردی دەکرێن

ئاڤا نیوز

لە ڕۆژهەڵاتی کوردستان هەڵمەتێکی نیشتمانیی بۆ فێربوونی زمانی کوردی بەڕێوەدەچێت و فێرخوازان فێری نووسین و خوێندنەوەی زمانی کوردی دەکرێن، دوای دەرچوونیشیان بڕوانامە دەبەخشرێتە فێرخوازان.

وێنە گەورەکە: چەند ساڵێکە لە ڕۆژهەڵاتی کوردستان هەڵمەتێکی نیشتمانی بۆ فێربوونی زمانی دایک بە نووسین و خوێندنەوە دەستیپێکردووە، بۆ ئەمەش چەند فێرگەیەک دامەزراون و سەدان کەسیان فێری نووسین و خوێندنەوەی زمانی کوردی کردووە.

ئەوەی پێویستە بیزانیت: فێرگەی ڕاژە لە سنە یەکێکە لەو فێرگانە، جگە لە شێوەزاری سۆرانی، فێرخوازەکانیان فێری شێوەزار و زاراوە کوردییەکانی دیکەش دەکەن، بەبۆنەی ڕۆژی زمانی دایکیشەوە لە مەراسیمێکدا بڕوانامەی دەرچوونیان بە ژمارەیەک فێرخواز بەخشی کە دەرچووی فێرگەکەن و ئێستا بە پاراوی بە کوردی دەنووسن و دەخوێننەوە.

- بەخۆشی فێربوون و دەرچوون لە فێرگەکەش، لە هۆڵەکە بوو بە ئاهەنگ و منداڵانی بەشداربووی خولەکە بە جلوبەرگی کوردییەوە ئاهەنگەکەیان گەرم کردووە و لەگەڵ گۆرانییە کوردییە ڕەسەنەکانی ناوچەکە هەڵدەپەڕن.