مەزڵووم عەبدی: بە ئەرێنی لە پەیامەکەی ئۆجەلان دەڕوانین

ئاڤا نیوز

 

دوای بڵاوکردنەوەی پەیامەکەی عەبدوڵڵا ئۆجەلان لەبارەی پڕۆسەی ئاشتییەوە، مەزڵووم عەبدی، فەرماندەی فەرماندەی گشتیی هەسەدە ڕاگەیاند، بانگەوازی ئۆجەلان بۆ پەکەکە بوو و بەشێوەیەکی ڕاستەوخۆ بۆ ئێمە نەبوو. 

 

وێنە گەورەکە: ئەمرۆ پێنجشەممە پەیامێكی مێژووی ڕێبەری پارتی کرێکارانی کوردستان لە ئیستەنبووڵ بڵاوکرایەوە، هەر یەکە لە ئاکپاتی و دەم پارتی و فەرماندەی گشتی هەسەدە هەڵویستی خۆیان لەبارەی پەیامەکەوە ڕاگەیاند. 

ڕاگەیێنراوی فەرمی: مەزڵووم عەبدی، فەرماندەی گشتیی هەسەد ڕایگەیاند، هەڵوێستمان لەبارەی پەیامەکەی ئۆجەلانەوە ئەرێنییە، ئەگەر ئەم پرۆسەیە سەربکەوێت، بۆ ئێمەش کاریگەریی ئەرێنی دەبێت و تورکیا هیچ بیانوویەکی نامێنێت بۆ هێرشکردنە سەر ناوچەکەمان".

 

-    ئۆجەلان پەیامی بۆ ئێمەش ناردووە و بە ئەرێنی لێی دەڕوانین.
-    بانگەوازەکەی ئۆجەلان بۆ گەریلاکانی پەکەکە بوو.
-    ئۆجەلان پەیامی بۆ باشووری کوردستان و هەموو شوێنێک ناردووە.