فایلی خەڵک؛ دوای بەدواداچوونی ئاڤا کێشەی خێزانێک چارەسەر دەکرێت

ئاڤا نیوز

دوای بەدواداچوونی ئاڤا بۆ خێزانێکی هەژار کە منداڵەکەیان لە دەرەوەی وڵات پێویستی بە وەرگرتنی چارەسەر هەبوو، کوڕی سەرمایەدارێکی هەولێر پەیوەندی بە خێزانە هەژارەکە دەکات و خەرجی چارەسەری منداڵە نەخۆشەکەیان دەگرێتە ئەستۆ.

چیرۆکی سەرەکی: لەو ماوانەی ڕابردوو، ئافرەتێک پەیوەندی بە ئاڤا میدیاوە دەکات کە منداڵێکی نەخۆشیان هەیە و لە نەخۆشخانەی نانەکەلی هەولێر چارەسەر وەردەگرێت، بەڵام پزیشکەکان پێیان وتووە دەبێت منداڵەکە ببەیتە دەرەوەی وڵات و نەشتەرگەری بۆ بکرێت، بەڵام ئەو توانایەی نیە بیبات بۆ دەرەوە.

کاریگەری و لێکەوتەکان: یەک ڕۆژ دوای ئەو بەدواداچوونەی ئاڤا میدیا، کوڕی سەرمایەدارێکی هەولێر پەیوەندی بە ئاڤاوە کرد و داوای ژمارە تەلەفۆنی دایکی ئەو منداڵە نەخۆشەی کرد بۆئەوەی ئەرکی چارەسەر و بردنە دەرەوەی منداڵە پێنج ساڵەکە بگرێتە ئەستۆ.

ئەوەی پێویستە بیزانیت: بڕیارە لەم چەند ڕۆژەی داهاتوودا منداڵەکە ببەنە دەرەوە چارسەری بۆ بکەن.