جەهەپە: هەڵوەشاندنەوەی پەکەکە بە پێویست دەزانێت

ئاڤا نیوز

ئۆزگور ئۆزێل، سەرۆکی جەهەپە کاردانەوەی پارتەکەی بۆ پەیامەکەی ئۆجەلان ئاشکرا کرد و هەڵوەشاندنەوەی پەکەکەشی بە پێویست زانی. دەشڵێت، هیوادارین پەکەکە کۆتایی بێت.

ڕاگەیێنراوی فەرمی: ئۆزێل لە ئێکسی خۆی نووسیویەتی:

- بانگەوازی هەڵوەشاندنەوەی پەکەکە گرنگە و هیوادارین تیرۆر کە دەبێتە هۆی وێرانکاریی ئابووری و کۆمەڵایەتی جددی، بۆ هەمیشە کۆتایی پێبێت.

- وەک پارتی جەهەپە، هەموو جۆرە بەرپرسیاریەتییەکی ڕێگە چارەی ئاشتەوایی و دیموکراسی لە ئەستۆ دەگرن، "هەمیشە بەرەنگاری تیرۆر بووینەتەوە و لێرە بەدواوە لەسەر هەمان هەڵوێست بەردەوام دەبن".

- جەپەهە لەگەڵ چارەسەری ئاشتەواییە لە ژێر چەتری پەرلەمان، بە مەرجێک هەموو لایەنەکان شەفاف بن و یەک دەست کاربکەن. "پێشووتریش لە پەیامەکانماندا لەسەر ئەو پرسە هەمان بۆچوونمان هەبووە".