ئێران پێشوازی لە پەیامی ئاشتیی ئۆجەلان دەكات

 

ئاڤا نیوز

ئێران پێشوازی لە پەیامەكەی ئۆجەلان دەكات و بە هەنگاوێكی دژی توندوتیژی وەسفی دەكات.

وێنە گەورەكە: ڕۆژی پێنجشەممە 2025-02-27، پەیامی عەبدوڵڵا ئۆجەلان، ڕێبەری زیندانیکراوی پەکەکە بڵاوكرایەوە كە داوایكرد، پەكەكە چەک دابنێت و خۆی هەڵبوەشێنێتەوە و کۆنگرە ببەستێت. هاوکات ڕاشیگەیاند، بەرپرسیارێتی ئەم بڕیارە لە ئەستۆ دەگرێت و گەرەنتی گفتوگۆی ئاشتی دەکات.

ڕاگەیێنراوی فەرمی: ئیسماعیل بەقایی، وتەبێژی وەزارەتی دەرەوەی ئێران، ئەمڕۆ هەینی، 2025-02-28، ڕایگەیاند، هەر هەنگاوێك ببێتە هۆی وەستاندنی تیرۆریزم و پەرەپێدانی ئاسایشی وڵاتی توركیای دراوسێمان، لەلایەن کۆماری ئیسلامیی ئێرانەوە پێشوازیی لێ دەکرێت.

وتەبێژی وەزارەتی دەرەوەی ئێران هیوای خواستووە ئەو گۆڕانکارییە لە ئاستی ناوچەکەشدا کاریگەریی ئەرێنیی لێ بکەوێتەوە.