شێخ دارا: بەفر و بارانبارین دەستپێدەکاتەوە

ئاڤا نیوز

بەگوێرەی پێشبینییەکانی کەشوهەوا دوو شەپۆلی دەریای سپی ناوەڕاست و دەریای سوور ڕوو لە هەرێمی کوردستان دەکات، شێخی کەشوهەواش دەڵێت "بەفر و بارانبارین لەسەرتاسەری ناوچەکانی هەرێمی کوردستان دەستپێدەکاتەوە".

لێدوانی فەرمی: شێخ دارا، پێشکەشکاری کەشوهەوا لە ئاڤا میدیا، ڕایگەیاند:

- لە ڕۆژی 28-2-2025، کاریگەری شەپۆلێکی دەریای سپی ناوەڕاست لەسەر هەرێمی کوردستان هەیە و بەوهۆیەشەوە بەشێوەی پچڕ پچڕ بارانبارین لە ناوچەکان دەبارێت.

- ڕۆژی دووشەممە شەپۆلێکی دەریای سوور لەگەڵ شەپۆلێکی دەریای سپی ناوەڕاست لەسەر هەرێمی کوردستان و وڵاتانی ڕۆژهەڵاتی ناوەڕاست یەکانگیر دەبێت، بۆ شەوی دووشەممە لەسەر سێشەممە بارانبارین لە سەرتاسەری کوردستان دەستپێدەکاتەوە.

- کاریگەری شەپۆلەکان و بەفر و بارانبارین، تاوەکو سەرەتای هەفتەی داهاتوو ئەگەری بەردەوامی دەبێت.

ئەوەی پێویستە بیزانیت: بۆ ڕۆژی یەکشەممە بەرزترین و نزمترین پلەی گەرما و ڕادەی شێ و خێرایی با بەم شێوەیە دەبێت.

- هەولێر: بەرزترین پلەی گەرما 12 و نزمترین 4 پلە دەبێت.

- سلێمانی: بەرزترین پلەی گەرما 9 و نزمترین 2 پلە دەبێت.

- کەرکووک: بەرزترین پلە 14 و نزمترین 2 پلە دەبێت.

- هەڵەبجە: بەرزترین پلە 10 و نزمترین 4 پلە دەبێت.

- زاخۆ: بەرزترین پلە 10 و نزمترین 3 پلە دەبێت.

- دهۆک: بەرزترین پلە 10 و نزمترین 4 پلە دەبێت.

- ڕاپەڕین: بەرزترین پلە 4 و نزمترین -2 پلە دەبێت.

- گەرمیان: بەرزترین پلە 15 و نزمترین 6 پلە دەبێت.

- حاجی ئۆمەران: بەرزترین پلە -3 و نزمترین -11 پلە دەبێت.

- خێرایی بای باکوور لەنێوان 8 بۆ 12 کیلۆمەتر دەبێت.

ئەمەش بزانە: بۆ ڕۆژانی دووشەممە تاوەکو چوارشەممە لە هەرێمی کوردستان و باشووری عێراقیش خێرایی با لەنێوان 15 بۆ 35 کیلۆمەتر دەبێت، بەوهۆیەشەوە لە باشووری عێراق خۆڵبارین دروست دەبێت، بۆیە لە کاتی بارانبارین ئۆتۆمبێلەکانیان قوڕاوی دەبن.