حکومەتی عێراق پاڵپشتی دارایی بۆ هەڵبژاردەی عێراق تەرخان دەکات

 

ئاڤا نیوز

بەمەبەستی پاڵپشتیکردنی هەڵبژاردەی تۆپی پێی عێراق بۆ گەیشتن بە یارییەکانی مۆندیالی 2026، حکومەتی عێراق پاڵپشتی دارایی هەڵبژاردەکە دەکات.

چیرۆکی سەرەکی: حکومەتی عێراق بڕیاریدا لەڕێگەی بانکی بازرگانیی عێراقییەوە، سێ ملیار و 500 ملیۆن دیناری عێراقی ببەخشێتە یەکێتیی تۆپی پێی عێراق، بۆ پاڵپشتیکردنی هەڵبژاردەی نیشتمانی لە پاڵاوتنەکانی ئاسیا بۆ گەیشتن بە مۆندیالی 2026.

زانیاریی بەدەستهاتوو: بەگوێرەی میدیا عێراقییەکان، بڕی پارەی تەرخانکراو بۆ یەکێتی تۆپی پێی عێراق لەسەر فەرمانی محەممەد شیاع سوودانی، سەرۆکوەزیرانی عێراق بووە.

زانیاریی زیاتر: بڕیارە ڕۆژی 20ـی ئەم مانگە، هەڵبژاردەی عێراق لە بەسرە ڕووبەڕووی هەڵبژاردەی کوێت ببێتەوە، لە دووەم یاریی پاڵاوتنەکانی مۆندیالدا، هاوکات لە 25ـی هەمان مانگدا هەر لە عێراق ڕووبەڕووی فەڵەستین دەبێتەوە.