هەڵبژاردنی گشتی لە وڵاتی تاجیکستان بەڕێوەدەچێت

ئاڤا نیوز

بە بەشداری پێنج ملیۆن و پێنجسەد هەزار دەنگدەر هەڵبژاردنی گشتی لە وڵاتی تاجیکستان بۆ ‌هەڵبژاردنی ئەندامانی پەرلەمان و ئەندامی ئەنجوومەنی پارێزگاکان بەڕێوەچوو.

چیرۆکی سەرەکی: ئەمڕۆ یەکشەممە هەڵبژاردنی گشتی لە وڵاتی تاجیکسیان بەڕێوەچوو و لە هەڵبژاردنەکاندا پێکهاتەی ئەنجومەنی نوێنەران و هەروەها ئەنجوومەنی شارەوانی پارێزگا و قەزاکان دیاری دەکرێت.

زانیاری زیاتر: لە هەڵبژاردنەکە 5.5 هاووڵاتی تاجیکستان مافی دەنگدانیان هەبوو و لەسەرانسەری وڵاتەکە سێ هەزار و 513 بنکەی دەنگدان کرابوونەوە، دەنگدەران دەنگیان دا بە 220 کاندید لە شەش پارتی سەرەکی ئەو وڵاتە.

باکگراوند: لە هەڵبژاردنی پێشوودا کە لە مانگی ئازاری 2020 بەڕێوەچوو، پارتی دیموکراتی هاووڵاتییانی دەسەڵاتدار لە کۆی 63 کورسی ئەنجوومەنی نوێنەرانیی تاجیکستان 47 کورسی بەدەستهێنا و پارتی ئەگراریان لە پلەی دووەم هاتوو توانی پێنج کورسی بەدەستبهێنێت، هاوکات، پارتی ڕیفۆرمی ئابووری لە پلەی سێیەمدا پێنج کورسی بەدەستهێنا. هەروەها پارتی کۆمۆنیست دوو کورسی و پارتەکانی سۆسیالیست و دیموکرات هەر یەکەیان تەنیا کورسییەکیان لە ئەنجوومەنی نوێنەرانیی تاجیکستان مسۆگەر کرد.