لاهوور شێخ جەنگی لەسەر یاریگەی نەورۆز وەڵامی شارەوانی سلێمانی دەداتەوە

ئاڤا نیوز

 

یاریگەی نەورۆز لە شاری سلێمانی بووەتە شوێنی کۆکردنەوەی وەرزش دۆستانی ئەو شارە و ماوەیەکە لەلایەن شارەوانیی سلێمانییەوە کێشەی بۆ دروست دەکرێت. 

چیرۆکی سەرەکی: یەکێک لەو یاریگا تایبەتانەی کە لە هەرێمی کوردستان لە ماوەیەکی کەمدا ناوبانگێکی بەرچاوی پەیدا کردووە یاریگەی نەورۆزە، بەڵام ماوەیەکە لەلایەن بەرپرسانی شارەکەوە ڕووبەڕووی چەند کێشەیەکی تایبەت کراوەتەوە و تەنانەت ڕێگە نادەن ڕووناککەرەوەش بۆ یاریگەکە دابنرێت. 

لێدوانی فەرمی: لەیلا عومەر، سەرۆکی شارەوانی سلێمانی دەڵێت، شوێنی یاریگەی نەورۆز و زەوییەکانی نزیک لە یاریگەکە لە ماستەرپلاندا شوێنی گەشتیارییە نەوەک یاریگە، بۆیەش کارئاسانی نەکراوە تاوەکو بتوانرێت ڕووناکی جێگیر بکرێت.

بۆچوونی لایەنی بەرامبەر: لاهور شێخ جەنگی، سەرۆکی فەخری یانەی نەورۆز ڕایگەیاند، " ئەو یاریگەیە بە ئەمری قوباد تاڵەبانی کاتی خۆی شارەوانی سلێمانی تەرخانیکردووە بۆ یانەی وەرزشی نەورۆز، بەڵام ئەو کاتە لەیلا خان لەوێ نەبووە بۆیە ئاگای لێ نییە."

-    لەیلا خان دوای 8ـی تەمموز بووە بە سەرۆکی شارەوانی بۆیە ئاگای لێ نییە، دیارە ئەوراقەکانیان ونکردووە، ئەمشەو هەموو بەڵگەکانیان بۆ دەخەینەڕوو کە ئەم یاریگەیە لەسەر عەرزی تەجاوز دروستنەکراوە."