نەخۆشخانەی ڕاپەڕینی فێرکاری نۆژەن دەکرێتەوە

ئاڤا نیوز

نەخۆشخانەی منداڵان لە شاری هەولێر نۆژەن دەکرێتەوە، پارێزگاری هەولێریش دەڵێت 'بەشەکانی ئەم نەخۆشخانەکە پێویستی بە نۆژنکردنەوە هەیە، بەڵام دەبێت جێگرەوەیان بۆ دابنێین'.

 

وێنە گەورەکە: ئەمڕۆ 3-3-2025، بە ئامادەبوونی پارێزگاری هەولێر و بەڕێوەبەری گشتیی تەندروستی هەولێر، هۆڵێکی نەشتەرگەری نەخۆشخانەی ڕاپەڕینی فێرکاری کرایەوە.

 

لیدوانی فەرمی: ئومێد خۆشناو، پارێزگاری هەولێر، لە کۆنگرەیەکی ڕۆژنامەوانیدا ڕایگەیاند: هۆڵی نەشتەرگەری نەخۆشخانەی فێرکاری ڕاپەڕین نۆژەنکرایەوە، بەشی نەشتەرگەری و ژووری پزیشکانی تێدا فراوان کراوە.

 

زانیاریی زیاتر: پارێزگاری هەولێر وتیشی: بەشەکانی دیکەی نەخۆشخانەکەش پێویستییان بە نۆژەنکردنەوە هەیە، بۆیە بڕیارماندا کە بەشی فریاکەوتن لە قۆناغی داهاتوودا نۆژەن بکەینەوە، بەڵام دەبێت سەرەتا جێگرەوەیەکی بۆ دابنەین، بۆ ئەوەی کارکردن نەوەستێت و بە زووترین کاتیش دەست بە نۆژەنکردنەوە بکەین.

 

ئەوەی پێویستە بیزانیت: نەخۆشخانەی ڕاپەڕێنی فێرکاری، نەخۆشخانەیەکی منداڵانە لە شاری هەولێر، سەرەڕای هەولێر لە شارەکانی دیکەی هەرێمی کوردستانیش منداڵ بۆ چارەسەرکردن دەهێنرێتە ئەم نەخۆشخانەیە.