چوار تۆمەتبار بڕی سێ ملیار و 300 ملیۆن دیناری پارەی هاتووچۆ دەدزن

ئاڤا نیوز

دادگای لێکۆڵینەوەی ڕەسافە کە تایبەتە بە کەیسەکانی دەستپاکی و سپیکردنەوەی پارە، دانپێدانانی چوار تۆمەتباری پشتڕاستکردەوە کە بڕە پارەیەکیان لە بەڕێوەبەرایەتی هاتووچۆی گشتی دزیوە.

 

وێنە گەورەکە: لە دوای ساڵی 2003 گەندەڵی لە عێراق بووەتە باوترین دیاردە و سەرجەم دامەزراوەکانی دەوڵەتی گرتووەتەوە، ئێستاش گەیشتووەتە ئاستێكی مەترسیدار و حکومەت ناتوانێت بنبڕی بکات.

 

ڕاگەیێنراوی فەرمی: بەگوێرەی ڕاگەیێنراوێکی ئەنجوومەنی دادوەری، بڕی ئەو پارەیەی دەستی بەسەردا گیراوە، سێ ملیار و 300 ملیۆن دینار بووە، تۆمەتبارەکان ئەو بڕە پارەیەیان لەنێو خانووێکی تەواو نەکراو لە گەڕەکی شەعب لەگەڵ بڕێکی زۆری زێڕ شاردووەتەوە.

 

- تۆمەتبارەکان برای هاوسەری تۆمەتباری سەرەکین کە تاوانە گەندەڵییەکەی ئەنجامداوە، پێشتر لەلایەن دادگای ڕەسافەوە دەستبەسەرکرابوو بۆ ئەوەی لێکۆڵینەوەی لەگەڵ بکرێت. دۆسیەکەش هێشتا لەژێر لێکۆڵینەوەدایە و ڕێکارەکانیش بەردەوامن.