ئیسرائیل: ئەگەری ھەیە ئاو و کارەبا لە غەززە ببڕین

ئاڤا نیوز

 

عومەر دۆستری، گوتەبێژی سەرۆکوەزیرانی ئیسرائیل ڕایدەگەیێنێ، ئەگەری هەیە ئاو و کارەبا لە غەززە ببڕن.

 

لێدوانی فەرمی: عومەر دۆستری لە لێدوانێکدا بۆ میدیاکانی وڵاتەکەی ڕایگەیاند، "ئەگەر حەماس بەردەوام بێت لە ڕەتکردنەوەی درێژکردنەوەی ڕێککەوتنی ئاگربەست لە غەززە ئەگەری ھەیە ئاو و کارەبا لە غەززە ببڕین."

 

ئەوەی پێویستە بیزانیت: ئیسرائیل بەتەواوی ھەماھەنگی لەگەڵ ئەمریکا دەکات و ھەوڵدەدەن ژمارەیەکی زۆر لە بارمتە گیراوە ئیسرائیلییەکان بە زیندووی بگەڕێننەوە بۆ ناو كەسوكاریان.

 

باکگراوند: ئاگربەستی غەززە لەنێوان ئیسرائیل و حەماس لە 19-1-2025 کەوتە بواری جێبەجێکردنەوە بەنێوەندگیری ئەمریکا، میسر و قەتەر. ڕێککەوتنە سێ قۆناغ لەخۆدەگرێت، هەر قۆناغێکیش 42 ڕۆژ دەخایەنێت.