زێلێنسکی: دەمەوێت پەیوەندییەکانمان لەگەڵ ئەمریکا چاک بکەینەوە

ئاڤا نیوز

ڤۆلۆدیمیر زێلێنسکی، سەرۆکی ئۆکراینا، ڕایگەیاند، دەیەوێت لە ژێر سەرکردایەتیی بەهێزی دۆناڵد ترەمپ، سەرۆکی ئەمریکادا پەیوەندییەکان لەگەڵ واشنتن چاک بکاتەوە.

لێدوانی فەرمی: زێلێنسکی ڕایگەیاند:

- دەمانەوێت ئاشتییەکی بەردەوام بۆ ئۆکراینا گەرەنتی بکەین. 

- با سەرەتا ئاگربەستێک لە دەریا و ئاسمان بێتە ئاراوە تاوەکو ببێتە سەرەتایەک بۆ کۆتاییهێنان بەم شەڕە سێ ساڵەیەی نێوان ئۆکراینا و ڕووسیا. 

-    ئۆکراینا ئامادەیە بۆ بەشداربوون لە سەر مێزی دانوستان لە پێناو ئاشتیدا.

-    کەس هێندەی ئۆکراینییەکان ئاشتی ناوێت. 

-    من و تیمەکەم ئامادەین بۆ کارکردن لەگەڵ سەرۆک ترەمپ.

ئەوەی پێویستە بیزانیت: ئەم لێدوانانەی زێلێنسکی دوای ئەوە دێن کە ترەمپ سەرجەم یارمەتییە سەربازییەکانی ئەمریکای بۆ ئۆکراینا ڕاگرت.