هێرشی فڕۆکەی جەنگی پاکستان بۆ سەر ئەفغانستان دەستیپێکردەوە

ئاڤا نیوز

لە پێشهاتێکی تازەدا حکومەتی تاڵیبان ڕایگەیاند، پاکستان هێرشیکی بۆ سەر وڵاتەکەی ئەنجامداوە، لانیکەم 10 کەسی کوشتووە.

زانیاریی بەدەستهاتوو: زەبیحوڵڵا موجاهید، وتەبێژی تاڵیبان لە ئێکس ڕاگەیێنراوێکی بڵاوکردووەتەوە و تیادا نووسیوویەتی، فڕۆکە جەنگییەکانی پاکستان لە پارێزگای خۆست ماڵی هاووڵاتییەکی مەدەنییان بۆردومان کرد و بەهۆیەوە نۆ منداڵ گیان لەدەست دەدەن، لەنێویاندا پێنج کوڕ و چوار کچ هەبوون.

زانیاریی زیاتر: تا ئێستا بەرپرسانی حکومەتی پاکستان و سوپای پاکستان هیچ لێدوانێکیان لەسەر ئەو هەڵمەتانە نەداوە.

باکگراوند: پەیوەندییەکانی نێوان پاکستان و ئەفغانستان لەو کاتەوەی کە تاڵیبان لە ساڵی 2021 دەسەڵاتی گرتووەتە دەست ئاڵۆز بووە، لەسەر سنوورەکانی هەردوولا شەڕ و ڕووبەڕووبونەوەی قورس لە مانگی ئۆکتۆبەردا ڕوویدا، دواجار شەڕەکە بە نێوەندگیری قەتەر و تورکیا بە ئاگربەست کۆتاییهات، بەڵام دواجار دانوستانەکانیان لە ئیستەنبوول نەیتوانی ڕێککەوتنێکی هەمیشەیی بەدەستبهێت.