بەڕێوەبەری تەندروستیی سلێمانی: یەك دیناری هیچ كۆمپانیایەك قەزردار نین

ئاڤا نیوز

بەڕێوەبەری گشتیی تەندروستیی سلێمانی سەبارەت بە قەرزداریی بەڕێوەبەرایەتییەکەیان ڕوونكردنەوە دەدات و جەختیش دەكاتەوە كە تەندروستیی سلێمانی هیچ بڕە پارەیەكی هیچ كۆمپانیایەك قەرزدار نییە.

وێنە گەورەكە: دوێنێ لە بەشێك لە میدیاكان بڵاوبووەوە كە گوایە بەڕێوەبەرایەتیی تەندروستیی سلێمانی نزیكەی 30 ملیار دینار قەرزداری كۆمپانیاكانی دەرمان و پێداویستییە پزیشكییەكانە، ئەمە وای كرد بەڕێوەبەری گشتیی تەندروستیی سلێمانی ڕوونكردنەوە بدات.

لێدوانی فەرمی: د. سەباح نەسڕەدین، بەڕێوەبەری گشتیی تەندروستیی سلێمانی لە كۆنفڕانسێكی ڕۆژنامەوانیدا ڕایگەیاند:

ئەو هەواڵانە ڕاست نین كە دەگوترێت بەڕێوەبەرایەتییەكەمان قەرزداری كۆمپانیاكانە، یەك دیناری یەك كۆمپانیا قەرزدار نین.

٠ ئێمە دەرمانمان كڕیوە لەسەر ئەو ڕەسیدەی كە هەمانە لە بانك و چەكی بانكمان داوەتە كۆمپانیاكان بەڵام بەهۆی نەبوونی نەختینەوە بانك نەیتوانیوە پارەی كۆمپانیاكان بدات، ئەوە ئێمە نین قەرزدارین بەڵكوو بانكەكانن.