مەترسی هەیە عێراق لە دوو ڕۆژی داهاتوودا نزیکەی نیوەی كارەباکەی لە دەست بدات

ئاڤا نیوز

 

وادەی لێخۆشبوونی ئەمریکا بۆ هاوردەکردنی غازی ئێران لەلایەن عێراقەوە لە دوو ڕۆژی داهاتوودا کۆتایی دێت و بەو هۆیەشەوە عێراق ڕووبەڕووی قەیرانی کەمیی کارەبا دەبێتەوە. لە ئەگەری بڕینی ئەو غازەش عێراق هیچ جێگرەوەیەکی نییە بۆ ئەوەی پێداویستییەکانی پڕ بکاتەوە.

 

وێنە گەورەکە: لە چوارچێوەی تووندکردنەوەی سزاکانی سەر ئێران، ئەو لێخۆشبوونەی به عێراق درابوو بۆ هاوردەکردنی کارەبا و غاز له ئێرانەوە، لەلایەن دۆناڵد ترەمپ، سەرۆکی ئەمریکا هەڵوەشێنرایەوە.

 

ئەوەی لەوبارەیەوە دەگوترێت: ڕۆژی 27ی شوبات فوئاد حوسێن، وەزیری دەرەوەی عێراق لە دیدارێکی ڕۆژنامەوانیدا ڕایگەیاندبوو: ئەمریکا پرسی ڕاگرتنی هاوردەکردنی گازی لە ئێرانەوە لەگەڵ بەغدا باسکردووە.

 

بە تەنیشت ئەم بابەتەوە: پێشتر وەزارەتی کارەبای عێراق ڕایانگەیاندبوو، بە وەستانی هاوردەکردنی غازی ئێران ڕووبەڕووی ئاستەنگی گەورە دەبینەوە و 40%ی بڕی پێویستی کارەبای نیشتمانی لە دەست دەدەین و تا ئێستاش هیچ جێگریەوەک بۆ ئەم غازە‌ نییە.

 

ئەوەی پێویستە بیزانیت: حکومەتی عێراق بۆ هاوردەکردنی 20 ملیۆن پێ سێجا غازی ڕۆژانە، لە 19-10-2024 ڕێککەوتنێکی لەگەڵ تورکمانستان واژۆ کردووە، ئەمەش دوابەدوای گرێبەستێک بۆ ئاڵوگۆڕی غاز لەنێوان ئێران و تورکمانستان و دواتر دابینکردنی بۆ عێراق.

 

مەترسییە پێشبینکراوەکان: باسم غرێباوی، ئەندامی لیژنەی کارەباو وزە لە پەرلەمانی عێراق، ئەو کۆمپانیایەی ئەرکی گواستنەوەی غازی تورکمانستانی بۆ عێراق لە ڕێگەی ئێرانەوە پێ سپێردراوە ڤیتۆی ئەمریکای لەسەر.

 

ڕێککەوتنکە بەم شێوەیەیە: کۆمپانیای "Loxstone Energy"ی سویسری بەرپرسیار دەبێت لە گواستنەوەی غاز لە تورکمانستانەوە بۆ عێراق، لە ڕێگەی تۆڕی بۆری غازی ئێرانییەوە، بە بەکارهێنانی میکانیزمی ئاڵوگۆڕی "Swap"، بۆ دڵنیابوون لە کارایی و نەرمی پرۆسەی گواستنەوە.

 

- بەغدا ڕاستەوخۆ لە ڕێگەی بانکی بازرگانی عێراقەوە پارەی تورکمانستان دەدات و بەشێک لەو غازەی کە عێراق دەیکڕێت وەک کرێی گواستنەوە بۆ ئێران دەبڕدرێت.