لە هەولێر گەورەترین فێستیڤاڵی بازاڕكردن و خواردن لە ڕەمەزان دەكرێتەوە

ئاڤا نیوز

بەبۆنەی مانگی ڕمەزانی پیرۆز، بڕیارە هەفتەی داهاتوو گەورەترین فێستیڤاڵی بازاڕكردن و خواردن و خواردنەوە لە هەولێری پایتەخت بكرێتەوە، لەپاڵ بەرهەمە خۆماڵییەكان، بەرهەمی وڵاتانی بیانیش بە درێژایی شەوانی مانگی ڕەمەزان نمایش دەكرێت.

وێنە گەورەكە: ساڵانە لەگەڵ هاتنی مانگی ڕەمەزان فێستیڤاڵی گەورەی بە بازاڕكردن بۆ خواردن و خواردنەوە و كاری دەستی لە ناوچە جیا جیاكانی هەرێمی كوردستان دەكرێتەوە و تا كۆتاییهاتنی مانگی ڕەمەزانی پیرۆز بەردەوام دەبێت.

ڕاگەیێنراوی فەرمی: نووسینگەی ڕاگەیاندنی پارێزگای هەولێر ئاماژەی بەوەكرد، ئامادەکارییەکان بۆ كردنەوەی فێستیڤاڵی بازاڕكردن و نمایشكردنی خواردن و كاری دەستی تەواو بووە و له‌ هەفتەی داهاتوودا لە ژێر سێبەری قەڵا و لە بەردەم پارکی شار گەورەترین فێستیڤاڵى شەوانى مانگى پیرۆزى ڕەمەزان تایبەت بە (خواردنی کوردەواری، خواردنی بیانی، کاری دەستی و فۆلكلۆری و چالاکی هونەری و کارى دیکەى جۆراوجۆر) له‌ شه‌وانی مانگی ڕه‌مه‌زاندا ساز دەکرێت و تا كۆتایی مانگی ڕەمەزان بەردەوام دەبێت.