دەزگای خێرخوازی بارزانی خانوو بۆ گوندەکانی شەنگال دروست دەکات

ئاڤا نیوز

پڕۆژەی دروستکردنی خانوو لە گوندەکانی شەنگال دەستی پێکردووە، دەزگای خێرخوازی بارزانی بەهابەشی لەگەڵ کەنیسەیەکی سویسری پرۆژەکە ئەنجام دەدات.

وێنە گەورەکە: لە ساڵی 2014 ئەو کاتەی چەکدارانی داعش هێرشیان کردە سەر شەنگال و گوندەکانی دەورووبەری هەزاران کەسیان کوشت و ڕفاند، جگە لە ڕووخاندنی سەدان خانوو.

لێدوانی فەرمی: موسا ئەحمەد، سەرۆکی دەزگای خێرخوازی بارزانی بە ئاڤا میدیای وت،

- پڕۆژەیەکی هاوبەشمان لەگەڵ کەنیسەی (تەوفن)ـی سویسری هەیە، پرۆسەیەکی بەردەوامە ئەو خانووانەی بەهۆی شەڕی داعشەوە لە گوندەکانی شەنگال وێران بوون و ژیانیان تێدا نەماوە، ئەو کەنیسەیە سپۆنسەری پڕۆژەکە دەکات و خانوو بۆ ئەو خانەوادانە دروست دەکەینەوە.

- بەوتەی موسا ئەحمەد، 20 خانوو دروستکراون و پرۆسەکە لە گوندەکانی شەنگال بەردەوامی هەیە و ئامانج لەو پڕۆژەیە هاندانی خەڵکە تا گوندەکان ئاوەدان بکەینەوە.