لە عێراق سێ هەزار تۆن خواردنی ئیکسپایەر لەناو دەبرێت

ئاڤا نیوز

وەزارەتی تەندروستیی عێراق ئاشکرایکرد، سەدان تۆن خۆراکی ماوە بەسەرچوو لە بازاڕەکان دەستی بەسەردا گیراوە، پسپۆرانیش هوشداری دەدەن.

چیرۆکی سەرەکی: خواردنی ئیکسپایر لە پارێزگاکانی عێراق بەشێوەیەکی بەرچاو زیادی کردووە و شارەزایانی بوواری تەندروستی و خۆراکیش هۆشداری دەدەن و دەڵێن" لە لایەن تیمەکانی پشکنینەوە بە باشی چاودێری مارکێت و بازاڕ و کۆگاکاندا ناکرێت".

لێدوانی فەرمی: جاسم غزی، سەرۆکی تیمەکانی پشکنین و کۆنترۆڵ لە وەزارەتی تەندروستی عێراق ڕایگەیاند: لە ماوەی سێ مانگی ڕابردوودا زیاتر لە سێ هەزار تۆن خواردنی ئیکسپایەردەستی بەسەردا گیراوە و لەناو براوە.

ئەوەی پێویستە بیزانیت: زۆربەی ئەو خواردنانە لە ڕێگەی دەروازە سنوورییەکانەوە بە شێوەیەکی نایاسایی و بەقاچاخ هاوردەکراون و بەشێکی دیکەشیان دەستکاری بەرواری بەسەرچوونیان کراوە.

ئەمەش بزانە: بەهۆی کاریگەری هەندێک بازرگان و خاوەن دەسەڵات تیمەکانی پشکنین ناتوانن  بەدواداچونی پێویست بۆ سەرچاوەی خواردنی ئیکسپایەر بکرێت.