وەزارەتی دەرەوەی فەرەنسا بۆ ئاڤا: پێویستە ئاشتی و سەقامگیری سووریا لەم قۆناغەدا بپارێزرێت

 

ئاڤا نیوز

وەزارەتی دەرەوەی فەرەنسا بۆ ئاڤا دووپاتیکردەوە، وڵاتەکەی جەخت لە گرنگی پاراستنی ئاشتی و سەقامگیری سووریا لەم قۆناغەی ڕاگوزەری سیاسی دەکات، پابەندن بە بەرەنگاربوونەوەی تاوانباران لەو وڵاتە.

وێنە گەورەکە: شەوی ڕابردوو لە شاری لازقیە و لە ناوچەی کەناراوەکانی ڕۆژئاوای سووریا هێز و چەکدارەکانی پاشماوەی ڕژێمی بەشار ئەسەد هێرشیان کردە سەر هێزەکانی ئاسایشی حکومەتی سووریا و لە ئەنجامی شەڕ و پێکدادانی نێوان هەردوو هێزەکە دەیان کەس کوژران.

لێدوانی فەرمی: سەرچاوەیەکی دیپلۆماسی لە وەزارەتی دەرەوەی فەرەنسا بە ئاڤای ڕاگەیاند:

٠ جەخت لە گرنگی پاراستنی ئاشتی و سەقامگیری سووریا لەم قۆناغەی ڕاگوزەری سیاسی دەکەین.

٠ وڵاتەکەمان پابەندبوونی خۆی بە بەرەنگاربوونەوەی هەموو ئەو تاوانانەی لە سوریا ئەنجامدراون، و جێبەجێکردنی پرۆسەی دادپەروەری ڕاگوزەری کە ڕێز لە مافە بنەڕەتییەکان دەگرێت، دووپات دەکاتەوە.

٠ بەداخەوەین بۆ گیانلەدەستدانی چوار هاوڵاتی مەدەنی لە ڕووبەڕووبوونەوەکانی دوێنێی باکووری ڕۆژئاوای سووریا.