شاندێکی حەماس بۆ دانوستانی قۆناغی دووەمی ئاگربەست دەگەنە قاهیرە

ئاڤا نیوز

شاندێکی باڵای حەماس گەیشتووەتە قاهیرە بە مەبەستی دانوستان و پەرەدان بە هەوڵەکانی ئاگربەستی غەززە.

چیرۆکی سەرەکی: حەماس ئامادەیی خۆی بۆ ئازادکردنی تەواوی بارمتەکان نیشانداوە و هاوکات داوای کردووە ئاگربەستی قۆناغی یەکەم جێبەجێ بکرێت، دانوستانەکان بۆ قۆناغی دووەم دەستپێبکات و گەمارۆی سەر غەززە هەڵبگیرێت تاوەکو یارمەتییە مرۆییەکان بگەنە ناو غەززە.

زانیاریی زیاتر: بڕیارە شاندەکە ڕۆژی شەممە، 2025-03-08، لەگەڵ بەرپرسانی میسری کۆببنەوە و دوایین پێشڤەچوونەکانی تایبەت بە ئاگربەست و دەستپێکردن بە دانوستانەکانی قۆناغی دووەمی ئاگربەستەکە تاوتوێ بکەن.

ئەوەی پێشبینی دەکرێت: حەماس دەیەوێت لە قۆناغی دووەمی ئاگربەستدا ڕێککەوتنێکی گشتگیر و هەمەلایەن بێتە ئاراوە، هێزەکانی ئیسرائیل بە تەواوەتی بکشێنەوە، ئاگربەستێکی هەمیشەیی لێ بکەوێتەوە و دەست بە ئاوەدانکردنەوەی کەرتی غەززە بکرێت.